Bonus

Bonus

पगार माझा चिमूटभर
स्वप्न घरच्यांची मुठभर

ससा कासव शर्यत जशी
पगार आणि खर्चाचीही तशी

त्यात आली ही
नेमकी दिवाळी...

कॉल आला मुलीचा
हवे तिला फ्रॉक चार...

मुलाचाही आला
त्याला हवे फटाके फार

बायको मागते बरच काही
परवडण्यासारखं सगळंच नाही

आईला लागतात औषधं भरपूर
गाडीही म्हातारी मारते धूर...

छुपे खर्च तर विचारूच नका
अन् रुपया बोनसची चाहूल नाही

मालक आमचा चिकट फार
धंद्याला त्याच्या मंदीची धार

त्यात आला बॉक्स समोर
ज्यात नुसतीच मिठाई?
मालक बोलले हातात देऊन
मित्रा हॅपी दिवाळी...

अरे देवा...
सारं आवसान
सारं तत्वज्ञान
सारे स्वप्न
सारं समाधान
गेलं सारं गळून

खिसा आधीच अशक्त माझा
सावकार गेला दिसून

वाटत होते मला की
जावं यातुन पळून...

तेव्हढ्यात आली हाक मालकाची
अरे तुला पाकीट देयचं गेलं राहून

मालक आमचा देव माणूस...
म्हणत घेतला बोनस मोजून
मिठाई मिळाली
कमाई मिळाली
च्यायला काय हव आजुन?

आता जरा कुठे रिलॅक्स वाटलं
जराशी का होईना पण दिवाळी साजरा होईल...
याचं समाधान वाटलं!

- दुर्गेश विवेक निसळ

सर्वांना दिवाळीच्या हार्दिक शुभेच्छा...

Navratra stories 2019

२०१९ नवरात्रीच्या कथा

कमीत कमी शब्दात एखाद्या विषयी खरे भाष्य करणे काळाची गरज आहे... महिलांच्या विषयी लिहिणारे अनेक आहेत पण ते टिकांचे धनी झाले, पण आई भवानी जगदंबेची कृपा आहे कि माझ्या लिखाणाला कोणीही विरोध न करता... मोठ्या मानाने ते स्वीकारले आणि माझ्या मते हीच बदलाची पहिली पायरी आहे असे मला वाटते.  

जय जुमांजी

कथेची पहिली माळ...

लेखक—दुर्गेश निसळ.

डोक्याचा डॉकटर — मग मला सांग तुला भीती कशाची वाटते ग?

ती— त्या प्रसंगा नंतर, आरसे, कॅमेरा, अंधार, लख्ख उजेड, नजरा आणि दिवसेंदिवस यादी वाढतच चाललीये...

तरी सर्वांना नवरात्रीच्या हार्दिक शुभेच्छा...

कथेची दुसरी माळ...

लेखक—दुर्गेश निसळ.

‘तो’ वय वर्ष १८...

बाबा— हे बघ दादा... तुला हवं ते कर, आम्ही काय तुला अडवणार नाही.

‘ती’ वय वर्ष १८

बाबा– हे बघ ताई... तुला काही कळत नाही, आम्ही काय सांगतोय ते कर...

तरी सर्वांना नवरात्रीच्या हार्दिक शुभेच्छा...

कथेची तिसरी माळ...

लेखक—दुर्गेश निसळ.

ती– मला बोर होतंय यार...

तो– यार किती ते तुझे moodswings!
मी नाही handle करू शकत यार...

ती– k. Let's break up then...
(शांतता)

ती– Or lets have chicken momos, cheese cake, french fries.... Panipuri and then break up...

तो– (हसत) अच्छा means you are hungry!
You crazy girl...

तरी सर्वांना नवरात्रीच्या हार्दिक शुभेच्छा...

कथेची चौथी माळ...

लेखक—दुर्गेश निसळ.

स्वतःच्या बहिणीची त्याला खूप काळजी होती...
पण
दुसऱ्याच्या बहिणीन बाबत मात्र कधीच काळजी नव्हती.

तरी सर्वांना नवरात्रीच्या हार्दिक शुभेच्छा...

कथेची पाचवी माळ...

लेखक—दुर्गेश निसळ.

घर मालक – डिक्रा, बॉयफ्रेंड allowed नाही हा... म्हणजे personally don't mind हा... नेवर एवर ... पण सोसायटी मंदी चर्चा होते ना सो...बाकी मला काही प्रॉब्लेम नाही.

त्या दोघी एकमेकांकडे आत्मविश्वासाने पाहून हसल्या... आणि घर मालकाला म्हणाल्या “sure अंकल... नो बॉयफ्रेंड never ever. That's a deal”.

तर सर्वांना नवरात्रीच्या हार्दिक शुभेच्छा...

कथेची सहावी माळ...

लेखक—दुर्गेश निसळ.

वेळ रात्री ९:५० मिनिटे– ती येते

आई – ही काय वेळ झाली का ग घरी येयची?... Blah blah blah blah... आता तूच अन्न गरम कर आणि जेवून घे...
........................................
वेळ रात्री ९:५८ वाजता– तो येतो

आई– उशीर झाला रे आज! अन्न गरम करून देते, लगेच जेवून घे...

तर सर्वांना नवरात्रीच्या हार्दिक शुभेच्छा...

कथेची सातवी माळ...

लेखक—दुर्गेश निसळ.

स्वीकाराची जादू मोठी असते...
सर्वांना जमते असे नाही.

जन्माला ती आली
जगताना तो झाला.

तर सर्वांना नवरात्रीच्या हार्दिक शुभेच्छा...

कथेची आठवी माळ...

लेखक—दुर्गेश निसळ.

No one

Literally No one

पूर्षांच बर असत,
कुठेही कडेला उभा राहता येतं...

तर सर्वांना नवरात्रीच्या हार्दिक शुभेच्छा...

कथेची नववी माळ...

लेखक—दुर्गेश निसळ.

अगं उद्या तर बँक हॉलिडे...

...बायकांना कसली आली मेली सुट्टी?

तर सर्वांना नवरात्रीच्या हार्दिक शुभेच्छा...

#Navratri2019 #navratri #Dasara #dasara2019 #woman #womanism #marathi #writer  

Navratra Stories 2018

२०१८ च्या नवरात्री निमित्त ९ छोट्या कथा लिहिल्या... महिलांचे प्रश्न यावर लिहायला जणु आई भवानी जगदंबेनेच मला आशीर्वाद दिला, तुम्हा माता बहिणींनी याविषयी चांगला प्रतिसाद दिला... लवकरच महिलांचे प्रश्न संपोत आणि मी हे सदर लिहिण्याचे बंद होवो...

सर्वांना विजयादशमीच्या हार्दिक शुभेच्छा...

जय जुमांजी


#नवरात्री निमित्त रोज रात्री एक छोटीशी कथा पोस्ट करनार आहे. आजची कथा...

पहिली माळ 

तिला दरवर्षी पैठणी नमागता मिळायची पण पिरिएड्स
आलेकी पॅड मात्र तिलाच धावत जाऊन
आणावे लागायचे.

दूसरी माळ 
सकाळी भोळा भक्त होऊन त्याने सर्वशक्तिशाली माते च्या चरणावर डोके टेकवले मंदिरात जाऊन आणि
रात्री मात्र मदीरा पियून शक्तिप्रदर्शन करताना घरातल्या देवीचे डोके फोडले.
- दुर्गेश विवेक निसळ

तिसरी माळ... 

"काय करणार ग छकुले, आमच्या येळी नव्हतं ग #metoo वैगरे" आजीने तिच्या यातना, 'हे' येताना दिसताच थांबवल्या आणि नववारीचा पदर डोक्यावरून घेतला. ते समोरुन स्वयंपाकघरातून बैठकीत गेले कळताच तिने उरलेलं वाक्य पूर्ण केलं "तो माझा मुलगा असला तरी तू माझी नात आहेस. तु ही विकृती सहन करू नकोस... घाबरू नकोस... मी आहे तुझ्या सोबत.".

दुर्गेश विवेक निसळ

चौथी माळ 

'थायरॉइड ची टेस्ट करुन घे एकदा'
असे तीच्या मैत्रिणी, बहिणी अश्या अनेक देव्या तिला सांगत होत्या पण तिला ऐकावे लागले कोणाचे तर, राक्षस बेवड्या नवऱ्याचे...'काही नाही झालेलं तुला'... नंतर काहीच झालं नाही पण घरातली लहान लेकरं आई बिना वाढली.
- दुर्गेश विवेक निसळ

पाचवी माळ 

वासना, मोह आणि गिधाड.

ब्रेक अप नंतर प्रथमच ती इतकी नटुन थटून, घरच्यांच्या संमतीने तिच्या कॉलेजच्या मित्र-मैत्रिणीं सोबत पब ला गेली...
ती सोडुन सगळे घरी परतले तरीही तिचा पत्ताच नाही. तिचा मोबाइल बंद.
"तिची एका मुला सोबत तिथे ओळख झाली, ती त्याच्याच सोबत रमली, आमच्यात टाइमच स्पेंड नाही केला तिने, तो तिला सोडणार होता असे तीनेच त्याच्याच समोर ठरवले, ती काही समजवून घेण्याच्या मनस्थितित नवती, मग मी काही समजवु शकले नाही" असे तिच्या बेस्ट फ्रेंड कडून हिच्या घरच्यांना समजले.

खुप उशीरा ती घरात परतली, पण फक्त कोमजलेल्या, ओरबाडलेल्या फुला सारखी.

- दुर्गेश विवेक निसळ


सहावी माळ 

प्रत्येक पार्टी, भिशी, कॉन्फ़्रेन्स, पत्रकारपरिषदेत तीचे सोन्याने सजणे सर्वांच्या नजरेत भरायचे.
पण जणू कमी वेळेत बरच काही 'मिळालेल्या' तिला, प्रत्येक व्याभिचार, नकोसा स्पर्श, बलात्कार... यातून झालेल्या जखमा झाकायला एक एक अलंकार हा, तिला पारितोषिका सारखा मिळत अलेला होता , हे सत्य मात्र तिलाच माहीत होते.

- दुर्गेश विवेक निसळ

सातवी माळ

अगदी लालबागच्या राजाची दर्शन रांग नसली तरी त्यात तिस्थट असताना, एकाही देवीचं 'दर्शन' घेयचे सोडायचे नाही, तेच अनेक महिलांचे तर पुरुषांना scan करणे चालु होते.
मूर्ति समोर... “चूकलं माकलं क्षमा करा”, मिटवून घ्या आणि दानपेटित  मात्र वडापाव जेमतेम मिळेल येवढीच रक्कम पडते पण तेव्हड्या वर मात्र देवाने आपल्याला अंबानी बनवावे अश्या मागण्या आणि
परत निघताना घंटी वाजवणार्या पुरुष आणि स्त्रीयांच्या 'शरीरा' कडे नजरा...
- दुर्गेश विवेक निसळ


#Navratri #Dasara #Women #womenism #Marathi #Maharashtra
आठवी माळ 

चांगली ऐटीतली नोकरी तिची आणि तसलसच राहणीमान. प्लेट मधे नसले तरी  तीचा कांद्या पोह्यांचा कार्यक्रम नेहमी सारखा चालु होता. ती खिन्न, बरीच अस्वस्थ. कार्यक्रम उरकला. रात्री... "मॉम डैड मला तो मूलगा नाही आवडला"
आई "तुला आवडत तरी कोण?"
बाबा " कोण आहे तो तरी सांग एकदाचं"
ती मोठा श्वास घेऊन "Actually ती व्यक्ती तो नाहीं ती आहे" ... बराच वेळ शांतता.
- दुर्गेश विवेक निसळ


शेवटची कथा... 

आई म्हणते "काय रे तू डब्बा खाल्ला नाहीस आणि तू ग...पाणी का पीली नाही ?"

तो म्हणतो "अ ग मम्मा तिथे खायला दिलेलं तेच खाऊन पोट भरलं पण मी बहेर च पाणी नाही पीलो बरका"

ती म्हणते "मंमा अग पिकनिक च्या ठिकाणी गर्ल्स टॉयलेटच  नव्हते...मग मी पाणीच नाही पीले"
आई सुन्न.

- दुर्गेश विवेक निसळ

आता सिमोलंघन.
वाचकहो धन्यवाद !