First ever post of blog

Writers Mood - Crazy


योद्धा की बुद्धा ?
(A fighter or a Happy man ?)

जीभेची  तलवार आणि  शब्दांच्या धारीने ... जो समोर येईल ... जो अडवा जाईल ... त्या सर्वांना संपवून पुढे जायचं ? की तोंडाचा दरवाजा बंद ठेवुन ... ओठांची चंद्रकोर करून ...हसून जगाला आपलंसं करावं ? …
तुम्ही कोणाच्या आनंदाचे कारण असाल … तर कायम त्यांच्या आठवणीत रहाल … पण रागाचे कारण असाल … तर डोक्यात रहाल त्यांच्या हृदया मध्ये तुम्हाला कधीच जागा मिळणार  नाही  ! जिथे योद्ध्याला  लाल रक्त आवडतं  … तिथे बुद्धा ला लाल गुलाब …जरी परस्पर विरोधी तरी … स्थैर्य मिळवणं  हाच एक  हेतू दोघांचाही   ! पण आजकाल   सेनापती होण्याच्या स्पर्धेत सैनिक' एकमेकांचेच पाय खेचत आहेत …  आणि कोणी प्रेमाने ,आनंदाने ,हास्याने … जगाला शांततेत पुढे नेऊ म्हणतोय तर …हसवणारा म्हणजे फसवणारा … एका हास्य मागे हजारो रहस्य लपलेले असतात …  याच अविचारी विचाराने   त्यांची टर काढुन , ते बावळट  ठरवले जात  आहेत  … !

सध्या योद्धा फक्त  इतिहासाच्या पानात सापडतो … पण बुद्धा माणसांच्या मनात अजूनही  सापडतो … दोघांची प्रवासात  … योध्या च्या आयुष्यात  कुठेतरी  रक्त असेल तर बुद्ध कुठेतरी  सगळ्यातून विरक्त असेल … योध्या च्या आयुष्यात सक्ती असेल तर बुद्धा कडे आसक्ती असेल … पण तो अश्रू …  हो ….
आश्रूच ! … सुखचा असो की दुख्खा च्या  डोंगराची  …उतरताना आणी चढताना आश्रुंचीच  पाऊल वाट आहे ! पोट दुखे पर्यंत हसलो तरी … डोळ्यातून पाणी येतं  आणि साधी टोकदार टाचणी जरी टोचली तर … बोटातून निघणार्या रक्ता  प्रमाणे  … डोळ्यातून आश्रु  वाहू लागतो  ! त्यात काही भेदभाव नाही !


आता एका साध्या हसमुख पैलवानाने कोणाचा अनुयायी व्हावं ? सध्या जे चाललाय त्यावर राग येतोय …  म्हणून त्याने चिडून उठून …  योद्धा व्हावं ...  की सध्या जे चाललाय त्यावर  हसू येतंय म्हणून बुद्धा व्हावं  ?


- Freedom Writer