प्रेम आणि परीक्षा म्हणजे

प्रेम आणि परीक्षा म्हणजे …  जाळ अन धुर संगटच … 

Freedom Writer's मूड - सैराट झालं जी … 

परीक्षा माऊ पावलांनी जवळ आली की तोंडा समोर कधीच न उघडलेलं पुस्तक धराव लागतं   … त्याचा नवीन असल्याचा सुगंध मोहून टाकतो … बघणार्यांना वाटत आपण अभ्यास करतोय …   पण आपण ते पुस्तक खरच वाचत असतो का ?

खरतर … आपल्या डोळ्या पासून पुस्तकाच्या अंतर मध्ये आपली वेगळीच दुनिया चालू असते .  एकतर आपल्या आठवणींचा चित्रपट आपण एका अद्रुश्य पडद्यावर पाहत बसतो … नाहीतर … आपल्या येणाऱ्या भविष्यकाळा च दिग्दर्शन करत बसतो … गेलेला काय न येणारा काय … आयुष्य एक चित्रपटच होऊन बसतो … कारण आपणच त्यातले नायक असतो … आणि आपल्या आयुष्यात पण एखादी नायिका असतेच … असा काहीतरी वाहय्याद विचारात असताना … बाप खोलीत येतो … आणि त्याची नजर नायकाला , नालायक ठरवून जाते . मन पुन्हा पुस्तक वाचु लागतं 

 लहानपणी पर्यंत असते ती फक्त परीक्षा आणि तरुणपणी अजुन एक येते ती  म्हणजे प्रेमाची परीक्षा . “ तु  भीड  रे ”  हेच तीन जादुई शब्द  मित्रांचे येतात … आणि  आपला प्रेमाच्या परीक्षे चा फॉर्म आपोआप भरला जातो . प्रेमाच्या परीक्षेत असो किंवा  पुस्तकाच्या परीक्षेत … अभ्यास लागतोच .आयुष्यात आपण  नेहेमी चुकीच्या वेळी आणि चुकीच्याशी पाहिलं प्रेम केलेलं असतं (हेच कटु सत्य आहे ) आणि होते काय तर आपण आयुष्य भर प्रेमाची परीक्षाच देत बसतो . प्रेमिकेच्या गालावरून कधी आणि  पुस्तकाच्या पानावरून कधी हाथ  फिरवायचा हे आपल्या लक्ष्यात येयला हवे  पण आपण तेव्हाच पुस्तका पासुन लांब जाऊ लागतो आणि आपलं बरच काही वाया जातं  … अगदी कधी कधी आयुष्यही .

आताश्या झालय असं की प्रेम आणि परीक्षा दोन्हीही गोष्टी आयुष्यात … चौक चौकात आणि महिन्या महिन्याला समोर येतात , त्यामुळे कधी कधी लव लेटर  च्या जागी  HALL TICKET  दिलं  जातं ,लव लेटर चा मजकूर पेपरात लिहिला जातो !

काही काही नशीबवान होतात पास दोन्ही परीक्षेत … काहीही आई बाबा म्हणतील त्या विषयात हाथ आणि डोकं ( नंतर बरच काही ) घालतात , काही एकटेच आयुष्याची परीक्षा देत राहतात … पैसा नावाचं certificate गोळा करत , कारण त्यांनी  प्रेम आणि पुस्तकांना परिस्तिति मुळे नाकारलेलं असतं … तर 

काहींना पुस्तकं आणि प्रेम नाकारतात त्याच्या परिस्थिती मुळेच  !

प्रेमाच्या परीक्षेत नुसतं propose करणं ही परीक्षा नसते … समोरच्याचं 'हो' मिळाल्यावर खरी परीक्षा सुरु होते  कारण … प्रेम निभावाव लागतं आणि पुस्तकांच्या परीक्षेत नुसतं वाचून नाही आठवून पास व्हायच असत . असो !

काही कळे न झालाय  ! 

अजून किती  लव लेटर आणि किती HALL TICKET लागणार आहेत पास व्हायला ! 

तो पर्यंत आयुष्य म्हणजे … जाळ अन धुर संगटच …